الـــمــقدمـــه
قبل اي شي هذي القصه مستوحاه من نهج الخيال ونسيج الافكار وصميم المشاعر وسفينه الاحساس في بحار العقل ولا تمت للواقع بصله انما هي صرح من صروح الروايات والقصص.
(الباب الاول)
في البدايه
ترااان ترااان ترااان
ايوه هلا
سلام
هلا حياك
اشفيك عبدالله لاتكون نايم
عبدالله:هاه لالا بس داق علي الساعه3الفجر ومزعج اهلي واخر شي صاحي ولانايم
امجد:هاه لابس انا عارف انك نايم بس فيه شي مهم لازم تعرف
عبدالله:الاوهو
امجد:انه استاذ الكيمياء اجل الاختبار يعني بكره ماعندنا شي
عبدالله:امانه من جدك انت مقروش دماغي على حساب اتقولي هل كلمتين اقول على تبن
امجد:هذا جزاي اني بخليك تنام ونت مرتاح منت شايل هم الاختبار عبدالله احنا سنه ثالث ثنوي يعني هنا المستقبل
عبدالله: بلا هنا المستقبل بلا هناmbc فارقني الحين وبكره بالمدرسه وخير
امجد:خلاص اوكي سلام
(امجد وعبدالله اصحاب من الروضه)
وعبدالله يكمل جلسه على النت لانه ماكان نايم اصلا وكذب على امجد على شان مايعطيه محاضره اخر الليل
الان في المدرسه في الفسحه
احمد:ابو عابد وينك وين سهراتك الي زمان(احمد صديق عبدالله في الحي وعبدالله ياكثر اصحابه فيهم الصالح وفيهم الطالح)
عبدالله:وربي يابو حميد مشغول وحالت امي حاله بس خليها على ربك
احمد:تكفى يا الوليد بن طلال
عبدالله:والله إذ الوليد ينام على الاقل 4 ساعات باليوم فانا مانام اصلا بس خليها على ربك
يدخل خالد عرض:من شاف مبارات الاتحاد امس
امجد:الله يرفع عنكم انا امس مانزل الكتاب من يدي ونتم الي نايم والي جالس يشجع والي سهران ومخليها حمام مع نفسه هههههه
احمد:ههههه والله موحمام وبس الا مخليها شربه المهم شباب اليوم ربوع والله يحيكم عندي بالمزرعه
عبدالله:بس شوف إذ ماكنت السهره حمام ماني جاي كككككك.
الكل يضحك وبعدها اتفقو على السهره واحمد بمائنه صاحب المزرعه عزم كل اصحابه
الان الساعه9بعد صلاه العشاء
في مزرعه احمد
زياد:خالد وين الشباب
خالد:امس لعب مع الهلال كككك(خالد لاحسه مخه الكوره)
زياد:ياثقل طينتك ياخالد
خالد:هذا هو الريس وصل
عبدالله:سلام شله شكلي شكلي اتاخرت عليكم
زياد:اقول لايكثر راحت عليك اسباحه اول فاتك نص عمرك
خالد:اقول بلا كذب اول واحد بغى يغرق انت ككككك
زياد:احمد احمد تعال تعال واحد يحش فيك
احمد جاي جري:مين ابو عابد حياك الله والله خفت ماتجي حياك حياك الشباب كلهم بالديوانيه ينتضرونك
عبدالله: اباقك الله تسلم الله يخليك.
دخل عبدالله الديوانيه ولقى فيها كل اصحابه مجتمعين
عبدالله:سلااااام
وطبعا رحبوبه وعلوم وسوالف وسلطان جاي على جهت عبدالله ومعاه شي مخفيه ورى ضهر
سلطان:عبووودي طالبك طلب
عبدالله:جاك بس امر
سلطان:خذ العود وغنيلنا وربي مشتاق لصوت(للمعلوميه عبدالله مشروع فنان ناجح )
عبدالله:بس كذا ابشر هات العود وهات اسم الاغنيه الي تبغى تسمعها
سلطان:اممم اهم شي تكون لراشد الماجد
عبدالله:طيب انا بختارلك وحده حلوه بس انشاء الله تعجبكم
يالله شباب بس ابغاكم اتكونو معاي في الاحساس
حاتم:روح وحنى وراك وانا بصور
_______
امممااااا احم احم
§ســــاعات
ساعت احس ان الزمن قاسي قاسي ولايمكن يلين
وســـــاعت
ساعت احس ان الفراح محال ولا يمكن يحين
هذا الي شفته بدنيتي وكل مامضالي من سنين
دنيا كفى الله شرها تخلي كل قاسي يلين
تخلي كل قاسي يلين
هذا الي شفته بدنيتي وكل مامضالي من سنين
يامن يعلمني الفراح ويفرح القلب الحزين ويفرح القلب الحزين
ســــاعت
اشكي مرارت حيرتي بدنيا ماضني بتزين
وذا بدا بعيني الامل تجد احزاني وتبي
روح زماني ونتها وتركلي الجرح الدفين
دنيا كفى الله شرها تخلي كل قاسي يلين
تخلي كل قاسي يلين
ســـــاعآآات§
_______
بعد الاغنيه الكل يناضر عبدالله وعبدالله دمعته في طرف عنه
الكل عرف ان عبدالله فيه شي مو طبيعي
الكل اتذكر حبيب ولاعزيز ولاصديق راح منه ولا مشتاقله.
زياد يقطع تفكير الجميع:اقول الله يرحم والديك ترى جايين ننبسط يرحم امكم غيرو الجو
وغني اغنيه تفرفش شوي وتشيل الهم والضيق الي فينا
عبدالله:احم احم(صوته راح من كثر ماصرخ بداخله) لالا خلاص معاد انا بغني
خلينا نسمع اخر اخباركم(يحاول يغير الموضوع على شان محد يضغط عليه انه يغني اغاني على قولة زياد فرفشه لانه مايعترف بشي اسمه فرح)
عبدالله:سلطان كيف الكليه معاك
سلطان:والله الحمد لله بس الله يستر الامتحانت على الابواب
عبدالله:يالله الله يوفقك ونشاء الله تنجح بمعدل طيب وتقدر تتوضف
امجد:شوفو مين ينصح والله ياعبدالله انك السنه هذي مطنش الدنياء ومافيها والمفروض العكس اتشد حيلك السنه هذي
عبدالله:والله يشباب عندي ضروف شوي لاكن انشاء الله بشد حيلي.
كل كلام الشباب كان عن الدراسه الجامعه الوضيفه مااحد اتكم بموضوع الي يهم عبدالله
عبدالله كن يبغى احد يفضفضله يطلع الي بقلبه بس ماحد اعطاه فرصه لامن جهت الاصحاب ولامن جهت الاهل
بنسبه لاهله كانو اسره بسيطه من قبيله معروفه من المنطقه الشرقيه اسره مكونه من
اب،ام،واخت اصغر من عبدالله
وكانت علاقته باهله شبه سطحيه ماحد يسئله انت اشفيك انت اش تحس فيه واسئله كثير عبدالله ينترضر احد يسئله ومرت الايام وجات الاختبارات وعبدالله على حاله لي فقلبه بقلبه ولاحد يدري عنه.
(الباب الثاني(
الان في المدرسه
امجد:الله يستر والله اني خايف
عبدالله:ياخوك هونها وتهون كل شي مقدر ومكتوب بس انت لاتنسى تقول بسم الله وإذ نسيت شي قول (اللهم لاسهل الا ماجعلته سهل وانت تجعل الحزن إذ شئت سهل)
وإنشاء الله ربي بيوفقك
امجد:إنشاء الله.
وكل واحد راح على لجنة الاختبار وحاط يده علي قلبه ويدعي ربه يوفقه
بعد انتها الاختبار
امجد:عبوووود كيف الختبار والله اختبار سهل ولله الحمد
عبدالله:ايه هين والله صعب وشكلي جبت العيد
امجد:حرام عليك كل الي قلتلك جانا بورقة الاختبار
عبدالله:اقول الله يستر لارسب بهذي الماده.
عبدالله رجع البيت وهو زعلان ويفكر وش يقول لامه وإذ سئله ابوه كيف يجاوب عليه وإذ رسب عارف نفسه انه مرح يعيد سنه ثانيه بنفس المرحله ويدعي ربه انه ينجح لو باقل نسبه المهم ينجح.
عبدالله في البيت
ام عبدالله:هاه بشر وليدي كيف الاختبار عسك جبت شي يبيض وجهك بين الرجال ويرفع راسك ومقامك بين الناس
عبدالله:لالا يمه إنشاء الله خير بس انتي ادعيلي وإنشاء الله ربي بيوفقني و انابروح الحين بناآآآم وصحوني بدري على شان اذاكر الماده الي عندي بكره
ام عبدالله:يالله الله يوفق ويجعلك في اعلى مراتب في الدنياء والاخره.
عبدالله يروح من عند امه وهو عارف انها لادرت عن النتيجه بتزعل ويتكدر خاطرها بس الي راح راح ومايمديه يرجعه
راحه عبدالله على سريره وجلس يفكر ويتخيل
انه مايجيب نسبه ولا يلقى وضيفه ويزد همه هم وهو سرحان
نآآآم نومت واحد متضايق وحزين ومرت الساعه الاولى بدون احلام والثانيه زيها والثالثه والرابعه في الخامسه جاه حلم غريب عجيب
الان في حلم عبدالله
عبدالله: ايوه يخال جيب الصندوق
ماجد:اي صندوق
عبدالله:الصندوق الاصفر الي فوق الدولاب على اليمين
ماجد:ايوه ايوه شفته بس كيف اوصله
عبدالله:حاول تطلعله
ماجد:مايمديني بعيد بعيد ماره
عبدالله:طيب انا الحين اجيك انزله.
عبدالله حاول يطلع ماقدر حاول حاول ماقدر بعدين جاب فكره وقال.
عبدالله:ماجد ارفعني وانا بحاول اجيب الصندوق الذهبي
ماجد:انت ثقيل خايف تكسر ضهري
عبدالله:لالا ماعليك بس انت جرب.
ماجد يرفع عبدالله
الي ماجد ماقدر ياخذه وفعلا قدر ياخذ الصندوق وينزله على الارض كان الصندوق مصنوع من ذهب ومرصع بالاماس الابيض والزمرد الاحمر والياقوت الاخضر والمزخرف بحبات الكريستال
وحاولو يفكون الصندوق ماقدرو لانه كان مقفول من الاربع جهات باقفال من حديد كل قفل في جه مختلفه
يعني لازم يبغالهم اربع مفاتيح
عبدالله قال لماجد:روح جيب فاس ولا اي شي نكسر فيه الصندوق ونشوف اش فيه
المهم ماجد راح وتأخر
عبدالله نداه مارد عليه وحاول انه يفك الصندوق بيده وفعلا فتح الصندوق معاه اولا مافتح الصندوق الا يطلع نور قوي من الصندوق حتى ماقدر يطل فيه
ام عبدالله:عبدالله يالله قوم الساعه6المغرب يالله قوم وليدي انت شكلك على لحم بطنك من الصباح
عبدالله:ااااه يايمه لوخلتيني اشوف وشفيه الصندوق بس
ام عبدالله:اي صندوق انت صاحي ولا تتحلم
عبدالله:اي والله صاحي وليتني كملت حلمي
ام عبدالله:اقول قوم قوم صلي وتعال اتغدا يالله بسرعه.
عبدالله يقوم يتروش على السريع ويصلي ويجي على الغدا وهو يكلم نفس(ياربي اش الي كان في الصندوق)
وقال بقول لامي الحلم يمكن تفسره لي
عبدالله:يمه جعلي انا ونتي بالجنه
ام عبدالله:اللهم امين ياوليدي
عبدالله:انا اليوم شفت حلم ماره خطير واحسه ينفع يكون فلم هههههه
ام عبدالله:ههههه الله يستر لايكون مع مصاص دماء ولا وحوش زي احلامك دايم
عبدالله:هههههه لالا المره هذي غيييير.
وقالها على الحلم كامل من البدايه حتى النهايه.
ام عبدالله:ياوليدي لاتعلم احد بحلمك هذا بس إنشاء الله يكون خير عليك وعلينا
عبدالله:يعني الصندوق فيه خير فيه كنز فيه وحش هههههه
ام عبدالله:ههههه لالا شي قربه شر وبعده خير ومع الايام بتشوف
عبدالله: طيب وشو هذا الشي يعني فلوس ولا ايش بالضبط
ام عبدالله:الله اعلم مني ومنك
عبدالله:يالله انابروح بذاكر وتكفين يايمه ادعيلي
ام عبدالله:يالله شد حيلك ترى لاتخرج إنشاء الله بنخطبلك بس بشرط إذ جبت نسبه فوق 90%
عبدالله:ايه هين لوجبت 95%
مرح اخطب لساع بدري على التعب والقلق
ام عبدالله:لوفتحت معاك موضوع مرح اتقفله الى وجايني صداع بس روح روح ذاكر.
ومر اسبوعين الاختبارات بسرعه وبلمح البصر لأنه يقوم يذاكر ويرجع ينام ويذاكر وعلى هل حال ونتهت الاختبارات والكل ينتضر النتيجه
في المدرسه
عبدالله:امجد الله يستر وربي بطيح من الخوف
امجد:وربي انا اكثر منك بس النتيجه فيك فيك بس يالله بندخل على الوكيل ناخذ النتيجه ونستلم الملف
عبدالله:طيب انت روح وجيب نتيجتي معاك انا رجولي مي راضيه اتشيلني
امجد:يابن الحلال قول خير والصلاة على النبي
عبدالله:عليه افضل الصلاة والسلام يالله (بسم الله وعلى بركة إلله)
طق طق طق
امجد وعبدالله:سلام عليكم
الوكيل:وعليكم السلام
عبدالله:النتيجه ناخذ جاين
امجد:ككككك يقصد جاين ناخذ النتيجه
الوكيل:كككك عبدالله خلك متفائل للحياه
عبدالله:طيب تكفى بشر عساها تبيض الوش على قولت اهل مصر ههههه
الوكيل:ككككك شوفها بنفسك وحكم عليها هي تبيض الوش ولاماتبيض الوش.
عبدالله يستلم النتيجه وعينه تناضر المكان الي مكتوبه فيه النسبه يقرا الرقم ويرجع يقراه يحاول يكذب عيونه يحاول يقرا اسمه يمكن مي نتيجته ولا كل شي تمام والنسبه
%65.30
طاحت بذاك الوقت احلام عبدالله وراحة طموحاته ادراج الرياح واعلانة سفينة العطاله وضياع المستقبل وصولها وغرس مراسيها على شواطي وضفاف ورمال مينا الامستقبل عند عبدالله
موضوع: روايتي بخط يدي وبحبر دمي ??? 
